Actividades polo 88º Aniversario da Sociedade [II]

Xurxo Souto no Seixo (Mugardos) Presentación do libro de Xurxo Souto Contos do Mar de Irlanda, o xoves día 8 de outubro ás 20:30 horas, no local social da Sociedade Amigos da Paisaxe Galega. Acudide a escoitar vellas historis mariñeiras.



 

 «As cousas do mar non se contan na terra», dixo o Machín de Muxía. Galiza é unha pedra chantada no Atlántico e un espazo mariño que abrangue todos os océanos. Quizá un mariñeiro do Berbés non saiba onde queda Fonfría, aló arriba na montaña, mais todos saben de Capetón, Cape Town, na fin de África. Un mariñeiro do Muro non saberá, quizá, de Olelas, na raia de Portugal, mais todos saben de Antuerpe, que é como lle din en galego do mar a Amberes, o gran porto do Norte. Prodixioso saber gremial, absolutamente vedado a terrícolas e terrícolos. Cómpre romper con esta fronteira de silencio. E cómpre principiar a mollarse na auga máis doméstica: o Gran Sol. Caladoiros tan humanizados polos nosos avós que dende hai moitas décadas teñen nome en galego. Embárcate nestas palabras. Alén do paralelo 48º N, o Mar das Galiñas, a Cona da Vella, a Ferradura agardan. Está subindo a marea, ti non quedes varado en seco.

Categorias: 88º Aniversario, Actividades Sociedade, Actuacións, SAPG, XUrxo Souto