Medrar en galego é posible

Este domingo día 21 de febreiro ás 12:00 horas, co gallo do Día Mundial da Lingua Materna terá lugar unha Mesa - Debate por título "Medrar en galego é posible" no local social da Sociedade Amigos da Paisaxe Galega en O Seixo - Mugardos. Acto organizado en colaboración polo BNG Mugardos e por ICMugardos e a Semente de Trasancos, escola de ensino galego.

A nosa lingua precisa de ti!

Acude e difunde!

 

Escola de Ensino Galego Semente Trasancos

As Escolas de Ensino Galego Semente som umha iniciativa social sem ánimo de lucro, impulsionada pola Gentalha do Pichel que pretende conformar, junto com outros projetos semelhantes, as bases necessárias para a criaçom da Escola Nacional Galega.

Tomam o seu nome das Escolas de Ensino Galego criadas a começo do século XX polas Irmandades da Fala, e impulsionadas por Leandro Carré e Ángelo Casal.

Nas Escolas de Ensino Galego, todas as atividades serám desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito á outras culturas que vivem no nosso país.

As Escolas de Ensino Galego som um espaço de uma pedagogía transformadora ao serviço dos interesses populares. Defendemos para o centro de ensino:

Coeducaçom
Laicidade
Assemblearismo
Interaçom com a natureza
Respeito pola autoregulaçom da criança
Integraçom no contexto do seu bairro e da cidade.

Teléfono
717779077
Correo electrónico
info@sementetrasancos.gal
Sitio web
http://www.sementetrasancos.gal

Ler Máis

Actuación do grupo Trasnochadores del Eume

 

A nosa Asociación informa do concerto do grupo Trasnochadores del Eume, que terá lugar no local social do Seixo o vindeiro sábado día 28 de novembro ás 20:00 horas. A actuación será de balde e estades todas e todos convidados. Acudide!

Ler Máis

XVI Xornadas de Teatro Afeccionado

A nosa Sociedade organiza a 26 xornada de Teatro Afeccionado O Seixo os días 5,6,7,8 de decembro deste ano  2015, onde participarán A Mámoa Teatro, Perez Parallé, Ghazáfelhos, e A Pombiña. Entrada de balde. Acudide!

Ler Máis

Estrea da obra do grupo de teatro "Teruca Bouza"

 

A Sociedade Amigos da Paisaxe Galega informa da vindeira estrea da obra do grupo de teatro "Teruca Bouza", que terá lugar o venres día 17 de xuño ás 21:30 horas no escenario do local social do Seixo. O grupo de teatro "Teruca Bouza" vén representando á SAPG por todos os lugares de Galicia onde representan. Nesta ocasión, volven ao seu escenario principal para deleitar ás xentes de Ferrolterra que quieran achegarse a súa representación.

Prégase Difusión.

Directiva da Sociedade Amigos da Paisaxe Galega

A SAPG fundouse o día 10 de outubro de 1927, sendo o pintor Felipe Bello Piñeiro un dos seus máximos impulsores..."
Visita o noso blogue: http://amigospaisaxegalega.blogspot.com.es

Ler Máis

Cea - Baile das Flores

A nosa sociedade quere convidarvos a participar na Cea - Baile das Flores que estará amenizada polo dúo Caramelo e que terá lugar no noso local social do Seixo, para o día 16 de maio de 2015 a partir das 22:00 horas. Para apuntarse á mesma podedes chamar ao 981475238. Animádevos!

Ler Máis

Baile Carnaval Adultos

A nosa sociedade Amigos da Paisaxe Galega convida a tod@s @s adultos a participar no vindeiro Baile de Carnaval para Adultos que terá lugar no noso local social do Seixo en Mugardos o día 21 de febreiro ás 23:00 horas. Estades tod@s convidad@s a bailar ao son das cancións e bailes do Dúo Tribal. Acudide! Pasarémolo moi ben. 

Ler Máis

Celebración do Magosto

O vindeiro sábado día 8 de novembro ás 20:30 horas celebrarase a habituala tradición galega onde poderase degustar castañas, viño, leite e batidos. Acudide! Pasarémolo moi ben e as castañas están moi, pero que moi boas.

Ler Máis

Actuación da Coral O`Pote de Maniños

 CORAL POLIFÓNICA O POTE DE MANIÑOS

A Coral Polifónica O Pote de Maniños nace en Maniños no ano 1987 no seo da Asociación Cultural Recreativa e Deportiva O Pote, con cantores da parroquia baixo a dirección do mestre D. José Fernández Álvarez.

Dende a súa presentación, ao ano seguinte na Semana Cultural que se celebra na asociación co gallo das Letras Galegas, ven actuando en case todas as sociedades da bisbarra e en distintos certames, como poden ser:

􀂏 Certame de Caixa Nova de Vigo
􀂏 Certame de Panxoliñas Camiño de Santiago
􀂏 Certame da Zapateira da Coruña
􀂏 Festival de Corais de Pedroso
􀂏 Certame de Panxoliñas do Concello de A Coruña do ano 2000, chegando ao final do mesmo
􀂏 Festival de Panxoliñas do Concello de Fene, en todas as edicións
􀂏 Festival de Habaneiras do Concello de Fene, en todas as edicións
􀂏 Certame de Habaneiras de Narón

Tamén participou no Día das Pepitas do Concello de Ferrol e está incluída nos circuítos e convenios da Deputación e da Xunta de Galicia.

Participa nun certame de Corais, coincidindo co seu aniversario de presentación, o 17 de maio, e un Festival de Panxoliñas, organizado pola A.C.R.D. O Pote.

Na actualidade está formada por trinta e tres voces mixtas sendo o seu director D. Miguel Bretóns, profesor do Conservatorio de Música de Ferrol. O seu repertorio está formado por música polifónica popular galega, música sacra, madrigais, panxoliñas, etc.

Dada a importante tradición musical do concello de Fene e das diferentes asociacións para impulsar a música coral, a asociación O Pote propuxo ao concello (como puido ser outra asociación) unir esforzos e organizar de forma conxunta e con carácter rotativo o Festival de Panxoliñas. Acordouse, entre o concello e as distintas asociacións culturais, que o Primeiro Festival de Panxoliñas, a nivel do concello, fora en Maniños o día 21 de decembro de 2001, coa participación de todas as corais do Concello e que iría percorrendo, ano a ano, todo o territorio de Fene.

Ler Máis

Actuación Musical Entrelas

EntrElas Grupo Vocal constitúese como grupo a finais do 2011 na cidade da Coruña, Galicia, España. Xorde coa intención de levar ás voces femininas a música do noso tempo, abranguendo gran variedade de xéneros.

Este grupo vocal é socio da Asociación Cultural Tres por Cuatro.
Entre as súas actuacións conta con:

- Presentacións en centros cívicos, pubs, locais comerciais.
- A participación na entrega de premios da Asociación de Editores Galegos.
- A interpretación da música incluída no curto cinematográfico "O nobelo de Lía" (2014); premio ao mellor son.

 http://grupovocalentrelas.blogspot.com.es/

Ler Máis

Actuación da Coral Polifónica de Betanzos

Coral Polifónica

Foi fundada en Marzo de 1969 por quen segue sendo o seu Director D. Manuel López Castro. Leva realizadas máis de 1.000 actuacións en Betanzos, na maioría dos pobos e cidades de Galicia, en varias cidades españolas e tamén no estranxeiro, Portugal, Francia, sendo de destacar a Misa cantada na Catedral de Notre Dame de París, os Concertos realizados na Casa de España en París e nun Centro Cultural e a actuación nun Pazo dos Deportes nunha Festa Galega. Tamén realizou varias actuacións na TVE e TVG, gravacións en varias emisoras de raio e disco LP con música polifónica galega.

En Marzo de 1991 viaxou a Roma como Coral invitada no Congreso Mundial de Mestres de Capela e Directores de Coro, no que o Director da Coral participaba como representante das Dioceses Galegas; cantou a Misa Maior na Basílica de San Pedro do Vaticano e deu concertos na Igrexa de San Ignacio de Roma, nas Catacumbas de San Calixto, na Residencia Mediatrici e na Audiencia do Papa cantou ante máis de 10.000 persoas, sendo televisada esta actuación por Mundo Visión e L'Osservatore Romano. Na cidade de Betanzos, a Coral realiza unha intensa e variada actividade cultural e social. Neste sentido destaca o Festival de Santa Cecilia, no que participan diversidade de corais, grupos musicais, teatro, cine, exposicións, etc. Por este labor Cultural o Concello de Betanzos concedeulle a Medalla de Prata da Cidade.

A Coral ten un amplo repertorio musical dos máis variados e importantes compositores. Unha das actividades que está a realizar cun resultado moi positivo, son os intercambios culturais con outras corais e entidades culturais, o que leva consigo o coñecemento de pobos e cidades, coas súas tradicións, historia, costumes, etc. ademais da amizade e boa convivencia que se entaboa entre os membros das distintas colectividades.

 

Ler Máis

A nosa Sociedade Precisa Ordenador!

A nosa sociedade precisa de ordenadores para  poñer a disposición da cidadanía no noso local social e na nosa biblioteca Cristina Amenedo. Quen teña a necesidade de desfacerse dun ordenador e, que éste ainda estea en función, pode traelo e doalo a nosa sociedade. Agradecerémolo!

G

Ler Máis

A nosa sociedade recolle libros!

A nosa sociedade recolle libros vellos ou novos para incluir na súa Biblioteca Cristina Amenedo. Toda aquela persoa que desexe doar literatura que acuda ao noso local social na Avenida Bello Piñeiro de O Seixo.

Grazas a tod@s polas vosas Doazóns!

Ler Máis

A nosa Sociedade cede Local de Ensaio a Grupos Noveis de Música.

 

 A sociedade repartirá as horas de ensaio e uso do local dándolle prioridade á compañía de teatro Teruca Bouza e ás diferentes actividades semanais.  Solicitarase que a metade dos integrantes do grupo se fagan socios da SAPG para sufragar gastos de luz.  Solicitarase unha actuación gratuíta cada dous meses no noso escenario.  É imperativo, para o uso das instalacións, o respecto ás mesmas e ao material que conteñen.  Para apuntarse dar nome do grupo ou representante, teléfono ou email de contacto na cafetería da sociedade ou nos emails: amigosdapaisaxegalega@gmail.com // paisaxegalega@yahoo.com

Ler Máis

Celebración da Queimada

A nosa sociedade vén de celebrar a Queimada, onde se degustaron 150 litros ademáis de moitas bolas de pan e azucre. A xornada estivo amenizada dende o escenario da cafetería polo grande Richi García, cunha magnifica actuación interpretando vellos e boísimos temas.

Ler Máis

Queimada na nosa Sociedade

Co gallo das festas en honra a Santiago Apostol no Seixo, a nosa sociedade vai celebrar o vindeiro día 24 ás 22:30 horas unha Queimada amenizada coa actuación de Richi García. Convidámovos a tod@s á degustar este típico manxar galego. Acudide!

Ler Máis

Día Das Letras Galegas 2014

Co gallo do Día Das Letras Galegas 2014 adicadas a Xosé María Díaz Castro, a nosa sociedade prácese en convidarvos ao Recital de Poesía que terá lugar o día 17 de maio no salón de actos do noso local social ás 12:00 horas. Convidamos a toda a cidadanía interesada en Recitar, que traia a súa Poesía e a recite para todos os presentes. A Poesía pode ser do homenaxeado nese día ou de calquera outro/a autor/ra en Lingua Galega, tamén está aberto o acto a quen queira recitar a poesía da súa propia creación.

Recitade! 

Acudide!

Ler Máis

O Baile das Flores

A nosa sociedade quérvos convidar a asistar a Cea - Baile das Flores que terá lugar para o día 24 de maio de 2014 no noso local social. A cea estará amenizada polo "Dúo Caribe". O menú estará composto por Sopa de Pescado, Carne Estofada con Patacas, Sobremesa, Pan, Viño, Café e Chupitos. O prezo será de 15 euros por persoa.

Esperámosvos! 

Ler Máis

Actuación da Rondalla Mugardesa

A nosa sociedade prácese en informar da actuación da Rondalla Mugardesa que terá lugar este sabado día 3 de maio de 2014, ás 22:30 horas, cambiando a fecha do cartel  por causas alleas a esta directiva, no local social da nosa Sociedade Amigos da Paisaxe Galega.

Acudide! 

Ler Máis

Grupo de teatro Teruca Bouza: "Fora de lugar"

Resumo da obra Fora de Lugar interpretada polo grupo de teatro "Teruca Bouza" da SAPG (Sociedade Amigos da Paisaxe Galega) O Seixo Mugardos (A Coruña). O grupo representa unha obra crítica e chea de preguntas sen resolver, segundo o director Carlos Basoa. O grupo Teruca Bouza leva nos escenarios dende 1990.

Ler Máis

Baile de Carnaval

A nosa sociedade prácese en informar da vindeira celebración do Baile de Carnaval que terá lugar o día 8 de marzo de 2014 no local social da nosa Sociedade Amigos da Paisaxe Galega. O Baile estará animado polos profesionais de LA GUAGUA cun magnífico repertorio para o divertimento dos rapaces e dos pais. O Baile de Disfraces para Adultos estará anemizado por Juán Barral.

Acudide! 

Ler Máis